نصائح للبنات متتعوضش............

ه اكيد طبعا يا امير الراء بهزر كان كلامي على لما البنت تكون بتحب واحد مش انها تكون متجوزه لا طبعا الواحده لما تكون متجوزه ده موضوع تاني

و يا قمر على ردك العسل يا جميل

مشكوره على مجهودك يامريومه

هه اعتقد ان النصائح ة بس صدقيني مش بتنفع جربتها قبل كده

وانتي عشتي معايا التجربه دي ولا ايه بصراحه هو اي ولد بيبقى عايز الي ترميه

وتتقل عليه اخر حاجه ولا الزقله ولا احسسه برجولته ولا الكلام ده خالص هو التقل

احسن حاجه مع انك عارفه ان كنت ضد التقل ده خالص وكنت بقول ان اي حد

بيحب حد يصارحه و يبين حبه بكل وضوح بس دلوقتي لا هو الشباشب اصدي

الشباب مش بينفع معاهم غير التقل في حاجه ة بتقول اتقل على حبيبك وارميه

في بلاعه يرجعلك مستحمي وفي بوقه نعناعه انشاء الله همشي على العبارة دي طول

حياتي بس والله يا مريوووومه التوبيك عسل زي كل مواضيعك ودي حاجه مش جديده

على موضيعك مستنيين منك كل جديد

looooloooo

أولا : الولد بيحب البنت الرقيقة

رفّعوا صوتكم يا بنات
و أول ما تشوفى حاجه وحشة .. سورقى
(يغمى عليكى)
من كتر الرقة
عيطى كتير . العياط دليل على الاحساس المرهف . أوائيله .. نكدى عليه الليلة .



ثانيا : الولد بيحب البنت الرومانسية

سبّليله!!!!
.
اسرحي كتير
كلميه عن القمر و حاجات من دى
.قوليله شايف القمر يا عتريس
لازم تكونى هيمانة و انتى بتتكلمى
. و يكون صوتك واطى ..
يادوب وشوشة




ثالثا : الولد بيحب البنت المؤدبة

قولى له انه اول واحد فى حياتك حتى لو كنتى متجوزة قبل كده و حامل فى توأم..



و لو سأل على انتفاخ بطنك قولى له كيس دهنى
و لو عارف و متأكد انه كان ليكي علاقات كثيرة زيه
ردي عليه : دى كلها اشاعات ده هما اللى كانوا معجبين بيا لكن ولا سألت فيهم كلهم



رابعا : الولد بيحب البنت الاستايل
style

كل ما تشوفى حاجه جديدة قلديها . يقولوا الموضة الشعر الاصفر .. اضربيه اصفر .. الموضه القصير .. قصّريه ..
مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك
..
دى بتغير منك و مش عايزاكى تبقي على الموضة
.
ملحوظة : لو مش عارفة ايه الموضة اختارى لك واحدة معينة او مذيعة و قلديها .. خليكى نسخة منها .




خامسا : الولد بيحب البنت الدلوعة

ادلعى ياختي انتي و هيّ . ما تبقوش دكر
.

سادسا : الولد بيحب البنت الجذابه اللى بتكون محور اهتمام الآخرين



فهميه ان فيه تانيين كتير معجبين بيكى
و قولى له : ارجوك اوعى تغير حواليا كتير .
ولا بيهمنى أبدا منهم ايه يعنى اكون ة فى عينهم .
ألّفي قصص وهمية عن الأولاد الهيمانين فيكي و اللي انتى مدوخاهم بسحرك و جمالك .





سابعا : الولد بيحب البنت اللى بتحسسه برجولته و تحسسه بنفسه

ايه ده ! .. ايه العضلات دى كلها .. دى احلى عضلات شفتها فى حياتى .
. يا سلام !! ايه الشياكة دى كلها . انت أشيك ولد شفته فى حياتى .
مش مهم هو لابس ايه .. انبهرى و خلاص

يا سلام !! انت تقاطيع وشك ه بشكل
( حتى لو كانت ملخبطه )

و طول مانتى قاعده اشكرى فيه.. خليه كده قاعد نافش ريشه . و مزأطط ع الاخر .





ثامنا : اتمحكى فيه ( الزقي له )خليكى دايما معاه





كل شويه كلميه فى التليفون بأى حجّة . قابليه فى كل حته يروحها . إعملى عليه كمّاشة . بحيث مايعرفش يفلفص منك و لا يشوفش غيرك ادامه . روحى له الشغل




اكبسى عليه مع السكرتيرة .












تاسعا : عددى مواهبك



اكلك لازم مظبوط
قوليله ملحي فى الاكل لا كتير ولا قليل وبعمل شاى سكر زياده . وبلون البيض المسلوق .






عاشرا : رغم حبك الشديد للحرية والانطلاق

قوليله انت مالك وقتى وتفكيرى
مش عارفه اعمل حاجه الا انى افكر فيك
مليت عليّا ايامى شغلت ليّا الزمن


___________________________________________


النتيجة
:


لو الولد وقع فى دباديبك و قال عاوز يرتبط بيكى : اوعى تقولى ايوه
!
لااااا
..
اتقلى شوية . اعملى نفسك بتفكرى .. سهريه .. لوعيه .. بهدليه .. لكن ماتتقلّيش العيار ليطير منك
.







لو الولد ما سألش فيك و لا عبرك . و لا أخد باله منك أصلا
يبقى بنت تانيه سبقتك ليه
.







ملحوظة
:
كررى الخطوات من 1 - 10مع ولد تانى بعد جمع معلومات و عمل تحريات عنه و التأكد من انه فاضى . غير مرتبط