فرفش شويه واضحك كتير.....

مرة واحد راح يخطب واحده، باباها قال له بس البنت لسة بتدرس، قال له خلاص اجلها في الفسحه

مرة واحد غبي ابنه قاله عاوز موبايل ابوه قاله موافق بس بشرط تركب اخواتك معاك

واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصل الى ميه وتسعة وتسعين ...كبس عليه النوم … قام جري غسل وشه ورجع للسرير يكمل العد

سألو واحد بخيل طحن: تعمل ايه لو الدنيا برد؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله

واحد بخيل قال لابنه : إنجح السنة دي و أجبلك كورة .. الولد شد حيله ونجح .. أبوه إشترى له كورة .. وقال له : طب لو نجحت السنة الجاية أنفخها لك

واحد بخيل دخل على ولاده وقعد يزعق بصوت عالى علشان مشغلين المروحه على 3 وهما 2 بس

يارب تعجبكم وميكنش دمها تقيل عليكم يلا مستنيه ردودكم

LOOOOLOOOO

والله الموضوع كتير يالمياء

امال فين الخفه دى مابنشفهاش مع ليه

ع العموم الموضوع كتير

والاغبياء كتروا اوى فى البلد

مشكوورة ع مجهودك حبيبتى

اه والله الاغبياء كترو اوووي بس ايه ده مش دمي خفيف كده على طول ولا ايه

ولا الي واخده مقلب في نفسي وميكنش دمي خفيف اصلا

المهم بس يكون الموضوع عجبك ويكون دمه كان خفيف عليكي يا قلبي يا عمري


looooloooo