بجد الراجل مش غلطان ...هي دي قمه الرومانسيه

هي لازم تفهم اني مش مَدَبّ

كنت جالس بجوار صديقي على المقهى
امسك لي الشيشة بيد و اشيح بالاخرى في وجهه
مش مَدَبّ.. مش عارف هي جابت الكلام ده منين؟
اهدى بس -
كل ما اقولها حاجة.. تقولي مَدبّ.. حمارة مبتفهمش في المشاعر
احكيلي ايه الي حصل -

قاعدين في الكافيه
قاعدين على ترابيزة مدورة وهي قدامي
قولتلها أديني جايبك حتت نضيفة اهه ماروحتيهاش قبل كده
طلبنا برتقان و موكاهازلنت.. وبكلمها يا عم وعمّال اقولها الكلام الكبير بتاع المشاعر
و هي غاية في الغباء
عمال المّح لها و اقولها بتصل بيكي كتير وبكلمك كتير.. و بسأل عليكي
لكن مش معنى كده اني مهتم بيكي
بعمل كده مع الناس كلها.. علشان مهتم بالانسان مش بيكي انتي بس
علشان تفهم اني اجتماعي
و هي آخر غباء
اقولها انها تخنت والمفروض تقلل من البيبسي وتبطل أكل شوية بالطفاسة اللي هي فيها دي علشان تفهم اني مهتم بيها وبرشاقتها و خايف عليها من كتر الاكل
و هي آخر حمورية
أقولها حاولي تلبسي لنسيز علشان النظارة دي مبيناكي عجوزة ومش ة على وشك وخصوصا انه مش قوي
علشان تفهم اني باخد بالي من التفاصيل

اقولها ان بعض تصرفاتها مش عجباني و انها بترغي كتير في الموبايل
تقولي: ما بكلمك برضه
اقولها ماهو ده قصدي.. انتي بترغي وبتكلفيني كتير في الفاتورة
علشان تفهم اني مدبر واقتصادي
و هي آخر جهل
لما جه الشيك علشان ندفع
كانت حاتدفع فأخدت منها الشيك وقولتلها اللي حادفع
وضحكتْ وقلتلها مافيهاش حاجة لما أدفع ده كمان.. ما احنا المرتين الي خرجنا فيهم اللي صرفت عليكي
علشان تفهم اني جدع معاها
و هي نازل عليها بغباء
قعدت تحكي في القراءة والثقافة
و انت عارف محسوبك تقيل في الحاجات دي
لغاية ماقالتلي على الكاتب اللي بتقراله دلوقتي ومدى حبها ليه وبكتاباته
قولتلها انه حمار واللي بيقروله بم
علشان تفهم اني مثقف وداري بما يدور في الساحة الثقافية
ومطلع على جميع الكتاب و الاصدارات
ولا حياة لمن تنادي

دفعنا الشيك و خرجنا
سيبتها عند الباب ولما قالتلي مش حتوصلني
قلتلها لأ طبعا
سيبتها في الشارع و ركبت العربية ومشيت
علشان تفهم اني مش مدلوق عليها
لحد كده يا عم؟

عاطفة و اشواق وحب من الأصلي
هي دي الرومانسية
شوف بقي غباوتها اللي جايه

قلت أكلمها بالليل و انهي الموضوع و اقولها إني معجب بيها والكلام الكبير ده بتاع الارتباط والحب والجواز
و انها هي الكسبانة والموضوع حيقع عليّ بخسارة
كلّمتها وقلتلها الكلمتين

قالتلي اني ظريف و بس هي عايزة واحد رومانسي
ضحكتْ و قلتلها انتي حمارة بقى.. ه.. كل ده ومش رومانسي
انتي لازم تعملي اختبار ذكاء.. ه.. غباء غريب
دا وديتك اماكن ماروحتيهاش وصرفت عليكي
دا احنا مثقفين زي بعض وبلاش كده
و كلمتلك عن وشك وجسمك يا تخينة.. هه

عجبتني قوي اخر جملة دي.. رحت عدتها تاني
سكتتْ كتير
و قعدت أقول: الو الو الو.. ومحدش رد
قفلت واتصلت بيها ومحدش رد

وفي الاخر البني آدمة تبعتلي مسج تقولي


انت مدب.. مدب.. ومبتحسش.. انت مدب.. مبتفهمش
شفت اخرتها
مدب
بنت .. مبتفهمش.. مبتفكرش


.. قولي
في حد كده

هه لا حقيقى قمة الرومانسية دة مش مدب بس والله دة اقل واجب يا بنى دة مش حاسس بنفسة بقى دة حيوان اصلا مش بيحس دة احسن لة يروح يعيش فى الرا ويشوفلة ناقة يجوزها ه دة مستفذ استفذاذ يا عينى ع البت والله

هه
هو فعلا ممكن يروح را ويجوز ناقه هناك او وهنروح بعيد ليه لا نجيبه عندنا هنا ما هي را بردو
يا قمر على ردك على المواضيع باستمرار

لا يجى يعمل اية هى ناقصة احنا الرا بتاعتنا دى ة كدة ومش عايزين ناس تخنقنا بدل ما اموتة هنا بعد اللى عملة فى البت دة والله حراااااااام علية وعايزاة يجى هنا عشان اعمل فية زى ما هعمل فى بالظبط هه

هه لا خلاص خليه يروح اي را تانيه
الواد بردو مش مستغني عن عمره احسن ما ترتكب فيه جريمه وتموته ويحسبوه
عليك واحد ه

والله الراجل دا مش رومانسى خالص

هه

الله يكون بعونه

نايس توبك ياعثل
مشكوووووووورة يالولو

ليكي يا جميل على ردك وفعلا والله المنتدى كان ناقصه ردودك العسل دي