30 جمله بيقولها 90% من شباب مصر للفتيات هههه

اكيييييييييييد فيه شباب صادقين وزي العسل زيك ده بس على سبيل الهزار والضحك

نورت التوبيك و على ردك يا جميل

ثلاثون جمله يقولها 90% من شباب مصر للفتيات :

1- حبيبتى انتى عارفه مش بحب حركات الشباب الطايش اصلا مبكلمش بنات

(وتلاقيه يعرف طوب الارض )

2- يااااه ياحبيبتى حاسس انى اعرفك من زمان

( وهوا تلاقيه متلخبط بينها وبين بنت كان يعرفها قبل كده )

3- حاسس ان فيكى حاجه غريبه غير كل

( اكنها مثلا بتمشى على ايديها ورجليها )

4- حاسس ان فى شبه كبير بين افكارى و افكارك احنا اكيد مخلوقين لبعض

(اكيد دى البنت رقم 100 اللى بيقولها كده وكأًن كل بنات الدنيا مخلوقين عشانه)

5- حبيبتى انتى اول حب فى حياتى و حاسس انى اتولدت يوم ماقبلتك

(على أساس ان والدته كانت حامل فيه 20 سنه وولدته قبل مايقابلها بيومين )

6- يااه يا حبيبتى انتى تؤمرى و انفذ اللى انتى عايزاه اجبهولك

( فى المشمش )

7- حبيبتى الطقم اللى انتى لبساه ده تحفه بس متلبسهوش تانى عشان بتبقى ه و بغيييييير بغيييييييييير

( طبعا فاهمين الحركات دى تلاقيه مش عاجبه اساسا)

8- هكلم باباكى اول ماكًون نفسى

(موووووووووووت يا حمااااااااااار )


9- عايز اشوفك كل يوم كل ساعه كل ثانيه
( عشان اابه يتأكدو انها ه )

10 - حبيبتى افتكرى دايما انى لما بحب بحب بجد و حبيتك بجد من اول ماشوفتك وكنت بدور عليكى من زمااااااان

(بففففففففف الاسطوانه المشروخه )

11- علاقتى بيكى محدش يعرفها غيرى و غيرك و ربنا لانك بقيتى كل خصوصياتى

( يعنى يا دوب اللى يعرفو اخواته و اابه و جرانه وقاريبه واب ابه.....الخخخخ)

12- معلش ياحبيبتى مش هقدر اعدى عليكى بالعربيه النهارده علشان هيا فى التوكيل

( طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه ده لو عنده اصلا )

13- ياحبيبتى انتى بتتكلمى فى أيه كل عطورى من فرنسا

(اكيد فرنسا ده جمب عم سيد البقال )

14- ياه لما بشوف رقمك على الموبيل قلبى بيتنفض

(طبعا من الخضه انها تكون فأسته)

15- فلان قالى اديله رقمك بس قلتله اقتلنى قبل ماتاخد رقها منى

( ياااااه على التضحيه وهى ياعينى رقمها مع مخاليق ربنا كلهم )

16- حبيبتى عايز صورتك عشان قبل مم اشاهد فى جمالك واحطها تحت المخده

( لا وهو الصادق عشان لما يتخانقو يهددها بيها )

17- اسف يا حبيبتى امبارح مقدرتش اكلمك كنت مشغوووول فى المذاكره

( قصده معهوش فلوس او مشغول مع واحده تانيه )

18- اسف يا حبيبتى انى مقدرتش اجى فى المعاد امبارح كان عندى ظروف صعبه

( معزور الولد افتكر معاد البنت التانيه اللى بقاله 3 اسابيع مأجله )

19- عارفه يا حبيبتى طول الليل منمتش قاعد بفكر فيكى

(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه )


20- عارفه يا حبيبتى اصلا مش بفتح الماسنجر الا لما بتكونى موجوده اصلا النت من غيرك ما يسواش

)يقصد مش بيفتح البلوك عنها الا اما تكون هيا بس الى اون لين عنده(

21- حبيبتى ماستهلكيش

)يييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه (

22- بعمل كده علشانك انتى

( ايوه ماحنا عارفين باباها قالو لو ماسبتهاش هاحرمها من الميراث )

23- هاسيبك علشان مش عاوز اى حد يتكلم عليكى نص كلمه

( ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل )

24- مش عاوزك تزعلى مينى

(يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى فرحانه )

25- هاهاجر ومش عارف هارجع امتى

(طب ماتخدها معاك يامعلم ولا هيا حجج وخلاص)


26- أنا مانفعش ارتبط بواحده مشيت معاها

( ياراجل ان شاء الله ربنا كرمك وترتبط بوحده مشيت مع نص شباب شبرا ومصر القديمه كمان )

27- انتى احسن حد عرفته فى حياتى بس مش نفع نكمل

( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى ماستحملش دموعك ... وبرده مايقولهاش )

28- انتى اكتر حد حبيته فى حياتى بس برده زى ماقولتلك مش نفع نكمل

( لا تعليق )

29- حبيبتى اكتشفت ان مافيش مابينا حاجه متشابهه

(لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه )

30- والله ياحببتى مش وحش وبلعب بمشاعر زى مانتى فاكرة بس هوا ده نصيبنا

( لا ماهو واضح )

مستنيه ردودكم يارب يعجبكم