الغبي والعبيط بيشجعوا مصر واحنا مش معاهم

دول اتنين ما تفهموش جايين منين دول

قاعدين بيتفرجوا ويفتوا فى الكوره

يلا نشوف بيقولوا ايه مع بعض

- - - - - - - - - - - - - - - - - - - -

الغبى : ايه ياكوتش كنت فين كدا
العبيط : كنت بتفرج على ماتش كورة انما ايه ,, اكستيرا
الغبى : مين الى كان بيلعب مع مين فين ؟
العبيط : مش عارف والله يافهيم هو كان فيه فرقه لابسه
اسود والتانيه لابسه اخضر !
الغبى : اه يبقا الاهلى الاسماعيلى المهم مين كسب ؟
العبيط : والله يافهيم مكدبش عليك تقريبا الفرقه الاولى
جابت جون والتانيه جابت جونين تلاته .. كدا يعنى ,
الغبى : اهااااا .. ماتقول اتعادلو ياعم هتفضل اهبل لامتا ؟
العبيط : بس متقولش اهبل يافهيم هو انت عشان بتفهم كورة يعنى
و لسه على قدى ؟ هتفضل تقطم فيا
الغبى : خلاص معلش ي بهزر معاك يااخى
العبيط : خلاص ياعم عادى م واخد منك على كدا .
الغبى : اما شوفتلك حتت ماتش . من الى قلبك يحبهم
عارف انك بتحب الدورى الانجليزى ي
العبيط : اه والله يافهيم بحبه اوى وبحب اللاعيب الى بيحط ايده فى بوقه دا
الغبى : مين دا الى بيحط ايده فى بوقه ؟؟
العبيط : ياض الى بيحط ايده فى بوقه دا لما يجيب الجون
استنا هقولك اسمه , اسمه .. اسمه .. اسمه اه ه ه اسمه توتو
الغبى : مش بقولك انت اهبل , قصدك توتى
العبيط : اه ه ه ه هو توتى
الغبى : بس توتى مش بيلعب فى الدورى الانجليزى
توتى بيلعب فى روما .. يعنى فى الدورى الاسبانى ياابو المفهوميه
العبيط : ياعم متدقش .. المهم ماتش ايه الى انت شوفته
الغبى : كان نهائى اوروبا . بين برشلونه وانترناسيونال البرازيلى
العبيط : اه .. يااااااه دا تلاقيه كان ماتش نار
الغبى : اه يابنى كان ماتش جامد اوى وخلص تعادل
العبيط : يعنى مين الى كسب
الغبى : يابنى مش برشلونه بتلعب .. اكيد هى الى كسبت
العبيط : اه .. لا برشلونه ة
الغبى : امتا بقا الواحد يشوف كورة ة فى مصر
العبيط : اه والله فين ايام زمان .. كان الخ يلاعب فرقه بحالها لوحده
الغبى : تصدق ياض اول مره احس انك بتفهم
العبيط : ايه ياعم انت فاكرنى اهبل ولا ايه الخ دا اسطورة
ياما جاب بطولات للزمالك . كان متألق بالفانله الصفرا
الغبى : يابنى خ ايه الى كان بيلعب فى الزمالك
الخ دا كان بيلعب فى الاهلى مع صالح سليم
العبيط : اهو صالح سليم دا بقا مشكله لوحده ؟
الغبى : ليه يااستاذ نا
العبيط : كان لعيب كورة جامد اوى وفى نفس الوقت كان بيغنى ومشهور
الغبى : صالح سليم مين الى كان بيغنى ؟
العبيط : صالح سليم ابو حسام سليم الممثل دلوقتى
الغبى : يابنى لا مكنش بيغنى
العبيط : امال كان بيعمل ايه ؟
الغبى : كان بيروح يقف معاهم فى الاذاعه بس ..
العبيط : اه ه ه ه . اهو دا كلام الناس العاقلين
الغبى : بقولك ايه يلا بينا بقا علشان نلحق نروح نشوف الماتش
العبيط : ايـه دا .. هو فيه ماتش النهارده ؟
الغبى : اه يابنى النهارده اول ماتش لمصر فى الكاس
العبيط : هيلاعبو مين .. السعوديه ؟؟
الغبى : يابنى السعوديه دى فى اسيا . يعنى تبع اليورو
العبيط : امال مين الى هيلاعب مصر ؟
الغبى : مصر هتلاعب النهارده الكاميرون . والله الواحد خايف من دروجبا رجله تقيله وممكن يعملها مع
العبيط : هو دروجبا بيلعب فى الكاميرون ؟؟
الغبى : لا هما واخدينه اعاره سنه بس
العبيط : يلا بقا عشان نلحق نروح نشجع الكاميرون
الغبى : يلا بينــــا

- - - - - - - - - - - - - - - - - - -

دول خطر دول المفروض يتعملهم حظر تجووووول عشان الحفظ على الجيل القادم

لا بجد جاااامد اووووووى ثانكس يا جميل

يا قمر على الرد العسل وفكره ة نعملهم حظر تجول

معلش يا قمر كنت عايزة اسألك بحاول اعمل توقيع مش عارفه لو تقدر تفيدني تقولي اعمله ازاي ومعلش هتعبك معايا يا جميل

اممممممممممممممممممم

طبعا انت تؤمر يا جميل

انتى بتعملية مش عايز يظهر ولا مش عارفة خالص :D :D

شوفتى بقى كان معمول عندك عدم اظهار التوقيع وكدة تمام

ياريييييييت تجربى تانى كدة

بصى فوق كدة مكتوب البيت اضغطى عليها ومنها اختارى التوقيع وبعدين هيظهر صفحة فيها مربع كدة ارفعى الصورة اللى انتى عايزاها وخدى اللينك وحطية فى المربع دة وبعدين سجل وبعدين خشى اعملى اى مساهمة هتلاقيها ظهرت وبس كدة

يا جمييييييييييييييييييل معلش تعبتك معايا يا قمر

لا طبعا مفيش تعب وكمان اية الرسمية دى هو احنا فى الجيش

اللينك اللى ظاهر مش الصورة انتى نسختى لينك للصورة مش للمنتديات لما رفعتيها عشان كدة اللينك اللى ظاهر

ادينى ثوانى اعملهالك من عندى بس صورة وووووووووووووة اووووووووووى فعلااااااا

يا قمر ده اصلا واجب عليك ه عشان ميبقاش في رسميه

طبعا بهزر

اكيد واجب علية

بس حاسس انى فى را والله نفسى اشوف حد هنا غيرنا اية الهو والفراغ دة يا خبر

دة على الاقل الرا بيبقى فيها تعالب وحجات كدة بتعمل حس وجو مش الهو دة

عندك حق والله هي را فين حتى جماااال مبقاش يدخل؟؟؟؟؟؟؟

امممممممممممممم جمال مبقاش يقعد ع النت كتير دلوقتى معلش :D

اه وفي ناس كتيرررررررر دخلت المنتدى كام اسبوع وبعد كده صباح التنفيض

يلا البركه فيك

وفيكى قبلى